Иако е на северот на Европа, Копенхаген е познат по високоразвиената велосипедска култура.
Поголемиот број жители на данскиот главен град, вклучувајќи и владини претставници и членови на кралското семејство, користат велосипед зада ги извршуваат своите секојдневни обврски. За ова придонесува и развиената велосипедска инфраструктура, и секако, нејзиното одржување дури и во зимски услови.
Жител на Копенхаген сподели фотографија на социјалните мрежи на која се гледаат исчистените велосипедски патеки, додека на улицата се уште има снег.
- Саботно утро во Копенхаген. Патеките за велосипеди се сосема исчистени од снег. Возачите на автомобили нека се снаоѓаат - напиша тој.
