Полски нуркач ќе се обиде да постави нов рекорд во пештерата Врело

Во организација на нуркачкиот клуб „Акаватек“ и спелео-нуркачкиот клуб „Врело“, Старнавски веќе неколку денови, заедно со тимот од домашните нуркачи ги прави подготовките и нуркањата во пешерата Врело, по што ќе се обиде да го урне рекордот на Казати.

Подвигот на Старнавски ќе трае окулу десет часа и како што велат домашните нуркачи, за него е потребна многу голема концентрација и психо-физичка подготвеност. Тимот од „Акватек“ и „Врело“ кои се сертифицирани пештерски нуркачи, активно учествува во подвигот на полскиот нуркач и заедно со него прибираат информации за неоткриените делови од подводната пештера.

Старнавски во вторникот се спушти на длабочина од 188 метри, ги провери премините и условите за подлабоките нуркања и со помош на домашните нуркачи го постави хабитатот потребен за декомпресија.

Во 2010 година Казети се симна до длабочина од 212 метри во десниот крак на пештерата Врело, а се претпоставува дека оттаму кракот повторно се дели на две нови патеки, кои продолжуваат понатаму во длабочина. Оваа пештера досега е исражувана на неколку пати од домашни и од странски нуркачки експедиции, при што е испитан само дел од нејзината внатрешност и не се знае до каде точно се простира и на колку метри длабочина е нејзиното дно.

• Целта на оваа експедиција е да се истражат нови премини и делови во Врело во кои досега не стапнал ниту еден човек. Да се приберат податоци за постоење на подводни галерии како и скицирање на подводно-подземните канали на пештерата. Ако се постигне и нов рекорд тоа дополнително ќе придонесе за зголемување на атрактивноста на овој локалитет, како и за развој на туризмот со посетата на пештерата Врело и на Кањонот Матка - вели Даниел Атанасовски, сертифициран спелеонуркач од „Акватек“.

Тој додава дека досега со постигнатите резултати Врело се најде на листата на пештери во кои нуркачи влегле подлабоко од 200 метри и според неофицијални информации се смета дека нејзината длабочина е 330 метри, што ја прави најдлабоката пештера во светот.

Старнавски во 2011 година го собори рекордот на Дејвид Шо во нуркање со ребридер и постигна длабочина од 283 метри во Црвеното море, во предел во близина на Дахаб, Египет.