Во населеното место Долно Лисиче за првпат се гради атмосферска канализација, во должина од околу 1.800 метри, на улиците „1“ и „20“.
Таа е од витално значење за жителите во тој дел на Долно Лисиче, затоа што ќе овозможи собирање и одведување на атмосферските води во реката Вардар.
Изградбата на атмосферската канализација ќе чини околу 24 милиони денари, а средствата се обезбедени по половина од општина Аеродром и Град Скопје.
Од општината Аеродром велат дека откако изградиле фекална канализација, ја реконструирале водоводната мрежа и целосно ги асфалтирале сите улици во Долно Лисиче, покрај кои изградиле тротоари и улично осветлување, деновиве ја почнале и изградба на атмосферска канализација. Со тоа, додаваат оттаму, целосно ќе се заокружи инфраструктурата и Долно Лисиче ќе ги добие сите неопходни услови и атрибути на една урбана средина.
BLOG COMMENTS POWERED BY DISQUS
