Локалната власт во Тетово почна со активностите за обнова на паркот во близина на спортскиот центар во градот познат како „Жена парк“.
Вкупната вредност на проектот, според надлежните, е нешто над десет милиони денари, од кои седум милиони се обезбедени преку Бирото за регионален развој, а три милиони од самата општина.
Според најавите, во паркот ќе биде засаден дрворед што ќе го одделува од улицата, ќе бидат поставени нови клупи и урбана опрема односно пешачки патеки, осветлување а планираме да има и обезбедување што ќе овозможуи паркот да биде користен и дење и ноќе.
Од општината Тетово велат дека целосната реконструкција на паркот ќе биде завршена до крајот на следниот месец.
BLOG COMMENTS POWERED BY DISQUS