Заинтересираните правни и физички лица од општините Куманово, Липково и Старо Нагоричане да се пријават на повикот за склучување купопродажни договори за огревно и техничко дрво, апелира Подружницата на ЈП „Македонски Шуми“.
Според раководителот на подрачната единица Ваит Саити, субјектите што ги исполнуваат критериумите можат да поднесат барање за склучување годишни купопродажни договори, чиј рок почна да важи од трети јануари годинава.
Обрaзецот на барањата може да се подигне од веб страницата www.mkdsumi.com.mk, во дирекцијата и подружниците на јавното претпријатие.
- Со оглед на временските прилики, многу повеќе граѓани се заинтересирани за огревно дрво во однос на минатата година. Веќе почнавме да склучуваме договори и сметаме дека условите се поволни. Цената е иста како и претходната година, за метар кубен бука 2.371 денари - изјави Саити.
Кумановската подружница има доволно количини дрва и ќе им излезе во пресрет на барањата на заинтересираните субјекти. За физичките лица, продажбата ќе биде на рати, а испораката ќе се врши исклучиво по ред, согласно датумот на целосната уплата на договорените количини.
BLOG COMMENTS POWERED BY DISQUS
