Администрацијата на американскиот претседател Барак Обама го блокирала планот за дупчење на нафта и гас во Северниот леден океан.
На тој начин се признава победата на активистите за заштита на животната средина кои предупредуваа дека индустриските активности во ледените води може да ги загрозат цицачите и да го зголемат глобалното затоплување.
Објавата за промена на петгодишниот план за експлоатација на нафта и гас ќе го блокира планираното продавање на правата за дупчење во Чукотско и Бофорово море, северно од Алјаска.
Планот дозволува истражување кај Алјаскиниот залив, југозападно од Енкориџ.
Речиси 400 научници го потпишаа писмото во кое апелираа до Обама да ги елиминира можностите за дупчење во ледените води.
Функционери од Алјаска пак ја поддржуваат експлоатацијата на нафта и гас.
