mksqen

Енергетски ефикасна фасада на уште една зграда во Центар

Енергетски ефикасна фасада на уште една зграда во Центар

Типографија

Општина Центар ја реконструираше фасадата на зградата број 13а на булеварот Климент Охридски. На површина од 1.470 квадратни метри е поставена е енергетски ефикасна фасада од сите страни, а не само на предниот дел, велат од општината.

Новата фасада овозможува подобри услови за живеење на станарите, кои сега ќе плаќаат до 30 отсто пониски сметки за електрична енергија. Фасадата е контактна, изведена од стиропор со дебелина од пет сантиметри и завршен слој од пластичен малтер. На барање на граѓаните, заменети се и олуците и окапниците - информира општината Центар.

Оттаму додаваат дека е задржан автентичниот изглед на зградата, која е изградена во 50-тите години на минатиот век. Ова е 12-та зграда која со реконструкција доби енергетско ефикасна фасада, а средствата се одвоени од буџетот на општината.

BLOG COMMENTS POWERED BY DISQUS
Пријавете се преку нашата бесплатна е-мејл претплата на услуги за да добивате известувања кога ќе има нови информации.

Најпопуларни вести во категорија Скопје