Јавното претпријатие „Комуналец“ од Битола почна со собирање на електричен и електронски отпад на територијата на општина Битола.
Оттаму информираат дека ќе излезат во пресрет на секое барање на граѓаните.
- Акцијата ја организираме со цел да им помогнеме на граѓаните организирано и без проблеми да го отстранат електричниот и електронски отпад од своите домови или локации каде неправилно го чуваат, но и да им укажеме дека не треба отпадот како што се телевизори, радиа, компјутери и слично да ги оставаат на несоодветни места, односно во контејнерите за друг смет или за собирање хартија или пластика - вели Зоран Соклевски, директор на ЈП „Комуналец“ од Битола.
Тој додаде дека е најдобро електричниот или електронски отпад да се донесе во еколошкиот двор, сместен во дворот на ЈП „Комуналец“.