Секој ден белграѓани имаат можност да видат околу 200 најразлични видови животни и организми што живеат во водите низ целата планета, како и во реките во регионот.
Зад овој проект стои група ентузијасти, кои ги приспособиле просториите на поранешната месна заедница во Дедиње. Порано местото служело за гласање на избори, а денес за изложба на риби, рептили, папагали и на други егзотични суштества.
- Засега имаме 200 видови разни организми од сите страни на светот. Имаме риби од Амазон, од Централна Америка, одАзија, од африканските езера, од Цевено Море, Јадран, како и од Сава и од Дунав. Најголемо внимание привкелуваат моќните пирани, кинеските аруани, како и отровната шкорпија - изјавил Бранислав Јаковлевиќ, основач и проект-менаџер, за агенцијата „Бета“.
Тој додал дека планираат да набават и мали ајкули и ражи. Јаковлевиќ го основал тропикариумот заедно со своите пријатели, и вели дека главната цел им била да им овозможат на децата да видат риби и други мали животни од различни дестинации, кои можеби не би имале можност да ги видат на други места. Еден од поинтересните примероци била кинеската мекооклопна желка, на која и` треперел оклопот додека се движела. Токму децата на школска возраст биле најчести посетители. Влезот во овој тропски рај среде Белград не се наплаќа.
BLOG COMMENTS POWERED BY DISQUS