На планинската висорамнина Крново кај Никшиќ се монтирани сите 26 електрани кои до мај идната година ќе произведуваат електрична енергија, соопштуваат од владата на Црна Гора.
Инвестицијата е повеќе од 140 милиони евра, а работите ги има изведено австриско-француска компанија. Генераторите не ветерниците се наоѓаат на висина од 85 метри, а тешки се поединечно повеќе од 83 тони.
Средствата за изградба на електраните се обезбедени од Европската бана за обнова и развој и Владата на Црна Гора.
Ветерниците се поставени на надморска висина од 1.500 метри, а просечната брзина на ветерот на тоа подрачје е до 6,5 метри во секунда. Ветерниците годишно ќе произведуваат до 230 гигавати електрична енергија.
До мај идната година ќе трае испитувањето на ветерниците, а тогаш ќе почнат и со редовно произведување на електрична енергија.
