Франција прва во светот ќе издава зелени обврзници

Овој финансиски инструмент досега бил резервиран за бизнис-секторот и за одделни институции, а сега првпат ќе го користи една држава. Ако пазарните услови го дозволуваат тоа, првата зелена обврзница ќе биде издадена следната година.

• Франција ја потврдува својата позиција на движечка сила што стои зад Парискиот договор од декември 2016 година, со тоа што ќе биде прва земја што ќе емитува зелени обврзници - истакнале во заедничко соопштение министерката за животна средина Сеголен Роајал и министерот за финансии Мишел Сапен.

Сапен додал дека враќањето на француската држава на пазарот на обврзници ќе го забрза нејзиниот развој и ќе го направи Париз еден од водечките финансиски центри за поддршка на енергетската транзиција.

Соопштението на француските министри е потврда на тоа што претседателот Франсоа Оланд веќе го најави на еколошка конференција кон крајот на април. Неофицијално станува збор за сума од околу девет милијарди евра.