Властите во Нигер забранија извоз на магариња и предупредија на можна неконтролирана продажба најмногу во азиски држави.
- Бројот на магариња во Нигер ќе ќе биде десеткуван ако продолжи извозот - наведува владин претставник.
Кина увезува голем број магариња од Нигер и ја користи нивната кожа за производство на желатин за медицински тоници, афродизијаци и креми против стареење. Буркина Фасо во август исто така забрани извоз на магариња поради слични причини.
- Од почетокот на годината извезени се повеќе од 80.000 магариња што е многу повеќе отколку лани, 27.000 - изјави Ате Иса, нигерски министер за сточен фонд.
Трговијата со магариња во Нигер станала толку профитабилна што сточарите занемаруваат одгледување други домашни животни. Владата забрани и убивање магариња.
Цената на магарињата скокна на 100 и 145 долари додека претходните години тоа животно во Нигер можеше да се купи за 34 долари.
BLOG COMMENTS POWERED BY DISQUS