Штетите од пролетниот студен бран во главните француски региони за производство на вино ќе придонесе за намален принос од 8 отсто на државно ниво и за дури 32 отсто во регионот Шампања, се вели во последната процена на Министерството за земјоделство на Франција.
Во својата прва процена на штетата се предвидуваше пад од 4 проценти. Ниту сегашната проценка не е конечна.
Студен бран пролетва ги погоди регионите Шампања, Бургундија и долината на Лоара, додека Шарлан и Бургундија-Божоле беа зафатени со невремиња и со врнежи од град. Лошите временски услови го избегнаа регионот на Бордо, и производството на вино таму се очекува да биде стабилно.
Бербата на грозјето обично започнува во август и трае до октомври.
BLOG COMMENTS POWERED BY DISQUS