mksqen

Рекордно производство на обновлива енергија во Германија

Рекордно производство на обновлива енергија во Германија

Типографија

Минатиот месец Германија произвела 19,5 теравати или 41 отсто од вкупните потреби од обновливи извори што е рекордно производство на овој вид енергија.

Ова го истакнуваат од проектот „Климатеактион“ кој што е дел од програмата за екологија на Обединетие Нации (УНЕП). Само од ветерници, на 18 март, Германија произвела 38,5 гигавати електрична енергија од ветер што е апсолутен рекорд во земјата.

Високото ниво на електрична енергија од обновливи извори се должи на зголемено производство на струја од ветерници и соларни панели, по што следува биомасата како гориво. Наспроти обновливите извори кај нуклеарната енергија има пад на производството иако од 2015 година не е затворена ниту една нуклеарната централа.

Информацијата за рекордно производство на електрична енергија од обновливи извори е објавена по вестите дека Германија планира дел од термоелектраните на јаглен да ги замени со батерии кои ќе се полнат со енергија од обновливи извори а кои ќе можат да ги задоволат потребите за струја на над 400 илјади семејства.

BLOG COMMENTS POWERED BY DISQUS
Пријавете се преку нашата бесплатна е-мејл претплата на услуги за да добивате известувања кога ќе има нови информации.