Градоначалникот на Лондон Садик Кан вели дека возачите на стари автомобили кои најмногу го загадуваат воздухот ќе мора да платат по околу 14,5 евра за возење во градот.
Ова е обид за подобрување на квалитетот на воздухот.
Кан вели дека наплатата ќе почне од април 2019 година и ќе се однесува на дизел возилата постари од четири години и возилата на бензин постари од 13 години. Во почетокот мерката ќе се однесува само за центарот на Лондон, а планот е зоната за наплата да се прошири до 2021 година.
Целта на овој план е да се преполови емисијата на азотни оксиди од возилата до 2020 година.
