Соларните ќерамиди на Тесла ќе се продаваат од годинава

Овој нов производ на калифорниската компанија позната по своите иновации беше промовиран во октомври минатата година. Еден месец подоцна Тесла ја купи компанијата Солар Сити за 2,1 милијарда долари.

Директорот на Тесла Елон Маск изјавил дека постојат добри шанси соларните ќерамиди да се продаваат по пониски цени од обичните ќерамиди, поради пониските работни трошоци. Ќе се продаваат четири вида ќерамиди, чиј изглед треба да одговара на различни типови куќи. Маск изјавил дека компанијата ќе се обиде да ги поттикне сопствениците на куќи да инвестираат во снабдување со соларна енергија, така што ќе им понуди производ што нема да го нарушува изгледот на објектите, за разлика од досегашните соларни панели.