Во Париз е забележана најголема и најдолготрајна загаденост во зимскиот период во последните, најмалку, 10 години, соопшти агенцијата „Ерпариф“ која го мери нивото на загаденост.
Тоа е последица на комбинацијата од емисии на издувни гасови од автомобилите и чадот од домаќинствата кои се греат со користење на цврсто гориво.
Исто така, на високото ниво на загаденост во Париз придонесуваат и метеоролошките услови, каде речиси воопшто нема ветер, што значи дека загадувачките гасови не можат да се растераат, објаснува агенцијата „Ерпариф“.
