Јавното претпријатие „Водовод и канализација“ на својот фејсбук-профил објави фотографии од интервенција во населбата Радишани, каде што од канализациска шахта било извадено цело казанче за вода што се користи во бањите.
Канализациската мрежа не функционирала соодветно и екипите морале да ги отстранат пречките. Но иако фрлањето цврсти предмети во канализацијата не е ретка појава, и самите работници на „Водовод“ се изненадиле кога виделе што го попречувало протокот. Претпријатието упати порака до граѓаните.
- Сакаме да апелираме до граѓаните да не се фрлаат предмети во шахтите, од кои се затнува мрежата и се намалува целиот капацитет, а посебно да не се фрлаат цврсти предмети или разни други материјали, кои не се разградливи - рекоа од „Водовод“.
