Проектот „Со зеленило против загадувањето“ се одвиваше целиот месец март во општината Илинден и завршува со 20 озеленети локации на површина од 60 илјади квадратни метри и со засадени илјада листопадни и зимзелени дрвја.
Овие податоци ги соопштија од општинската управа.
- Целта на овој проект е преку озеленување на јавните површини во урбаниот дел на општината, односно покрај пешачко-велосипедските патеки, површини покрај општински улици и патишта, просторот околу домовите на култура, училишните дворови, просторот околу детската градинка, површини околу спортските терени и останати јавни површини, да се придонесе за подобрувањето на квалитетот на воздухот, унапредувањето на животната средина, како и подобрување на условите за живеење и квалитетот на живот во локалната заедница - се вели во соопштението од општина Илинден.
Како дел од своите стратешки определби, општината Илинден продолжува со континуирани активности што директно влијаат на подобрувањето и заштитата на животната средина, додаваат локалните власти, нагласувајќи дека грижата за животната средина е обврска на секој од нас, па во таа насока одржувањето на озеленетите површини и садниците е грижа и обврска на секој поединец во локалната заедница.
BLOG COMMENTS POWERED BY DISQUS