Здружение на граѓани кои се разочарани од запоставување од страна на властите почнаа иницијатива за спасување на Попова Шапка.
Тие ги обвинија локалните и државните институции дека и покрај бројните ветувања немаат спроведено ниту еден проект за развој на овој значаен туристички центар.
- Ние граѓаните од чиста совест сакаме Попова Шапка да ја гледаме што подобро, почиста, уредена по стандарди, искористена од еколошки, туристички, рекреативен, спортски аспект.
Граѓанската иницијатива е под мотото „Да ја спасиме Попoва Шапка“ и сакаме да ја изразиме нашата загриженост за уништување на туристичкиот центар во овие 15 години, оставајќи го без никаква инвестиција, без нфраструктура, без одржување, без никаков конкретен проект. Попова Шапка е оставена без никакво модернизирање на туристичките капацитети -информираа од Здружението на граѓани.
Според нив на Попова Шапка не се знае кој јаде и кој пие, таа е претворена во место каде секој прави тоа што сака и мисли, краде колку што може, вработува и брка од работа кој кого сака. Капацитетот се искористува максимално без да се превземе иницијатива за да се обновува, чисти, да биде привлечна и профитабилна, од здравствен, спортски, туристички и економски аспект, додаваат од Здружението.
Тие ги повикаа сите граѓани,интелектуалци,правници,економисти,експерти за туризам да се придружат и да даваат поддршка на спасување на Попова Шапка.
