Кривични пријави за две лица што се сликале со ендемичен орел

Првоосомничениот Н.С., откако фатил орел златен сури, го однел во дворот на семејната куќа, го врзал со јаже и на таков начин го изложил на непотребни маки и му нанел непотребни болки. Наредниот ден двајцата битолчани насилно му ги рашириле крилјата на орелот и се фотографирале со него, а потоа и ги објавиле сликите на социјалната мрежа Фејсбук, информираат од МВР.

Овој вид орел, познат како златен сури, е заштитен затоа што е пред целосно исчезнување на територијата на Македонија. Први по настанот реагираа од македонското здружение за заштита на бувови МОТ, а веста веднаш се рашири по социјалните мрежи.