Јапонија мора да го забрани пушењето на сите јавни места ако сака успешно да биде домаќин на Олимписките игри во 2020 година во Токио.
Ова го наведува официјалниот претставник на Светската здравствена организација, Даглас Бечер.
Јапонија е позната како рај за пушачите. Министерството за здравство подготвува закон со кој би се ограничило пушењето, но наидува на негативни реакции од пушачите и тутунската индустрија.
Бечер кој е директор на СЗО за превенција од незаразни болести вели дека ограничувањето на пушењето во Јапонија е далеку под глобалните стандарди и дека тие мора да бидат обновени бидејќи странските посетители очекуваат додека се во Јапонија воздухот да биде чист. Тој додава дека делумните мерки против пушењето не се ефикасни.
Организаторите на Олимписките игри во Токио соопштуваат дека во сите спортски сали за време на игрите пушењето ќе биде забранато.
