mksqen

ТВ21: Езеро со мртви животни - еколошка бомба

ТВ21: Езеро со мртви животни - еколошка бомба

Типографија

Телевизијата ТВ21 од Скопје со денови ги алармира државните институции дека по неодамнешните поплави во езерце близу селото Арачиново пловат мртви животни кои веќе се распаѓаат и претставуваат голема опасност за населението.

Десетиците удавени овци се на овчар од селото, а како што известува телевизијата, иако ветеринарните служби биле запознаени со проблемот, никој ништо не преземал.

Телевизиската екипа двапати со чамец го посетила местото. Првиот пат угинатите овци се` уште не се распаѓале, но тој процес бил почнат кога се вратиле по една недела.

  • Ако до тука можеше да стигне новинарска екипа, надлежните служби кои на располагање имаат секаква механизација, сигурно ќе стигнеа уште полесно и побезбедно - се вели во прилогот.

Понатаму, се додава дека иако надлежните го игнорирале проблемот, телевизиската екипа ќе продолжела да врши притисок за тој да се реши.

BLOG COMMENTS POWERED BY DISQUS
Пријавете се преку нашата бесплатна е-мејл претплата на услуги за да добивате известувања кога ќе има нови информации.

Најпопуларни вести во категорија Скопје