Планинарското друштво Трансверзалец денеска го искачува врвот Мовнатец на планината Даутица, во рамките на нивниот предизвик „12 врвови“.
Мовнатец е шести врв во серијата и е висок 1.571 метар. Се наоѓа над селото Маргари, а во негова близина е манастирот „Свето Преображение“ над селото Зрзе, како и пештерата Змејовица.
- Интересен и несекојдневен предел, недоволно истражен, вистински предизвик за сите планинари - порачуваат од друштвото.
Легендата за пределот на Мовнатец и Кротеница вели дека Крале Марко тука минувал со коњот. Кога ќе поминел на Мовнатец, коњот му се намовнатувал (се наежувал), а на Кротеница, пак, се скротувал.
BLOG COMMENTS POWERED BY DISQUS