Поволните климатски и почвени услови, навремената подготовка на површините за сеидба, примената на потребните агротехнички мерки како и квалитетниот семенски материјал за сеидба, придоносоа есенската сеидба во Кочанско годинава да биде реализирана на 100 проценти од планиераните површини.
Ова е прв пат по низа години планот целосно да биде реализиран на општо задоволство на индивидуланите земјоделски производители и земјоделските стопанства.
- Годинава есенската сеидба е реализирана со 100 отсто во однос на планирањата. За сеидба беа планирани 6.400 хектари од кои се насеани 6.396 хектари. Најголеми површини се насадени со житни култури 6.196 хектари, од кои пченицата на 3,085 хектари, рж на 80 хектари и есенскиот јачмен на површина од 3,016 хектари - истакнуваат од подрачната единица на Министерството за земјоделство, шумарство и водостопанство во Кочани.
Годинава на полињата во кочанско се врати и афионот кој е застапен на површина од 5 хектари.
До целосна реализација на планот за есенска сеидба, истакнуваат од подрачната единица на министерството во Кочани, придонесе и навремената жетва на оризот и обработката на површините на кои е засаден и есенскиот јачмен.
