Албанското министерство за животна средина има склучено договор со приватна компанија за интегрирана технологија за третман на отпад.
Компанијата во близина на градот Фиер треба да изгради фабрика за производство на енергија од отпад.
Проектот во вредност од 27,7 милиони евра ќе биде управуван од страна на компанијата.
Изградбата на фабриката за енергија од отпад е во согласност со политиките и стратегијата на Министерството за животна средина.
Примарната цел на проектот е подобро управување на комунален цврст отпад и трансформирање во електрична енергија. Се очекува дека во фабриката ќе се обработува максимум од 180 до 200 тони цврст отпад на ден кој ќе обезбеди електрична енергија од 3,8 мегавати.
Изградбата и работата на оваа фабрика треба да го реши проблемот со отпадот во околината на Фиер.
Фабрика за производство на енергија од отпад ќе биде изградена во близина на неколку села и нивните жители протестираа и тврдат дека проектот е опасен по нивното здравје.
