Иако Софија била неколку дена зафатена од врнежи од дожд, голем број од прскалките во градските паркови редовно се вклучувале за да го полеваат зеленилото.
Граѓани на бугарскиот главен град пријавиле дека ова се случува на зелените површини пред Националниот дворец на културата, Уметничката академија и пред Народната библиотека.
Софиските локални власти оддговориле дека системот за наводнување на зеленилото имал сензори за временските услови, но за жал биле украдени програматорите од овие локации и поради тоа тие не се исклучиле во врнежливите периоди. Тие најавиле дека наскоро ќе ги поправат овие дефекти и ќе постават нови програматори.
