mksqen
20
Сре, Окт
0 Нови / 7 дена

Студот ризичен за овошките и за виновата лоза

Студот ризичен за овошките и за виновата лоза

Типографија

Најавените ниски температури кои во наредните денови се очекува да достигнат минус 20 степени целзиусови нема да предизвикаат никакви штети кај есенските посеви, но претставуваат ризик за овошките и лозовите насади, велат агрометеоролозите.

Според Ангелко Ангелески од УХМР, можни се оштетувања на родните папки кои се уште се во услови на мирување, а не е исклучено и измрзнување на тенките гранчиња.

  • Очекуваме да се формира снежна покривка насекаде во Македонија, вклучувајќи ги и земјоделските региони, особено Пелагонија и Овче Поле каде има житни култури. Тие во овој момент се најмногу изложени на надворешните влијанија но, се надеваме дека нема да претрпат никакви штети зашто снежната покривка делува како изолатор. На удар ќе бидат многугодишните дрвја, виновата лоза и овошките кои се во фаза на презимување, посебно ако температурите паднат до минус 18 степени - објаснува Ангелески.

Студот нема да има поголемо влијание врз другите култури. 

  • Градинарството во затворените пластеници се одвива нормално. Сепак, потребно ќе биде дополнитлено загревање на овие простории - порачува агрометеорологот Ангелески.
BLOG COMMENTS POWERED BY DISQUS
Пријавете се преку нашата бесплатна е-мејл претплата на услуги за да добивате известувања кога ќе има нови информации.

Најпопуларни вести во категорија Македонија