mksqen
27
Сре, Окт
0 Нови / 7 дена

Повеќе енергија од хидроцентралите годинава

Повеќе енергија од хидроцентралите годинава

Типографија

Хидроцентралите Шпилје и Глобочица, кои се дел од Црнодримскиот слив, предвреме го исполнија годишниот план за производство на електрична енергија.

Според надлежните, турбините на двете електрани во периодот јануари-окртомври произвеле над 479 милиони киловат-часови електрична енергија.

  • Во ХЕ Шпилје се произведени 286,5 милиони киловат-часови елкетрична енергија, што е за 22,3 отсто поголемо производство од планираното за овој период, а во исто време претставува и остварување на годишниот план и негово натфрлување за четири отсто. Моментно во акумулацијата Дебарско Езеро има резерва на вода за производство на 20 милиони киловат-часови електрична енергија, а просечниот дотек изнесува 50 кубни метри вода во секунда - велат надлежните во Црнодримскиот слив.

Годишниот план е остварен и во ХЕ Глобочица, откако во периодот јануари-октомври се произведени 192,7 милиони киловат-часови.

  • Оствареното производство во споменатиот период во ХЕ Глобочица е за 17 отсто поголемо од планираното за овој период, а во однос на годишниот план тоа е поголемо за 1,3 насто. Во акумулацијата има резерва за производство на околу 21 милион киловат-часови, а просечниот дотек изнесува 33 кубни метри вода во секунда - нагласуваат надлежните.

Поради поволната хидрологија, како и техничката подготвеност на електомашинската опрема, се очекува до крајот на годинава производството да биде за околу 20 отсто поголемо од планираното на годишно ниво.

BLOG COMMENTS POWERED BY DISQUS
Пријавете се преку нашата бесплатна е-мејл претплата на услуги за да добивате известувања кога ќе има нови информации.

Најпопуларни вести во категорија Македонија