mksqen
09
Чет, Дек
0 Нови / 7 дена

Првиот снег предизвика проблеми во Грција

Првиот снег предизвика проблеми во Грција

Типографија

Првиот снег годинава, што паѓа во Грција, предизвикува разни проблеми во повеќе делови на земјата.

Во северна Грција поради натрупаниот снег беа затворени неколку патишта, а со големи проблеми во сообраќајот се соочуваат и жителите на Солун, каде исто така беа затворени неколку улици.

Снег падна во речиси сите планински и полупланински предели во северна, централна и јужна Грција, а деновиве се очекува температурите да паднат и под нулата, соопшти Националната метеоролошка служба.

Грчките синоптичари соопштија дека снежните врнежи ќе продолжат, во сите планински и ридски области во централна и јужна Грција, како и во низинските подрачја во северниот дел на земјата.

Во приморските реони се очекуваат силни бури, воглавно во претпладневните часови, а времето постепено ќе почне да се подобрува од запад кон север.

Поради ниските температури се очекува во поголемиот дел од земјата да фати и мраз.

BLOG COMMENTS POWERED BY DISQUS
Пријавете се преку нашата бесплатна е-мејл претплата на услуги за да добивате известувања кога ќе има нови информации.

Најпопуларни вести во категорија Балкан