mksqen
22
Пет, Окт
0 Нови / 7 дена

Албанија под вода

Албанија под вода

Типографија

По обилните и интензивни врнежи од дожд Албанија целосно е под вода. Единствен град каде нема поплави е градот Корча.

Поради создадената ситуација, како што соопшти министерката за образование Линдита Никола, во училиштата на целата териорија на земјата нема да се одржува настава.

  • Населените места се под вода, од дел од нив е евакуирано населението, на многу патни правци не се одвива сообраќајот, во поширокото подрачје на околијата Пешкопеја и Скадар има и појава на одрони од камен и земја. Над 150 илјади домаќинства се без електрична енергија. Многу екипи на Електродистрибуција се обидуваат да ги отстранат дефеките на елекромрежата - јавуваат албанските медиуми.

Поради невремето и намалената видливост од обилниот дожд, автобус полн со патници излетал од патот Туман-Фуш Круја и завршил во место полно со вода. За среќа избегната е трагедија.

Премиерот Еди Рама на својот профил на фејсбук напишал дека сите здравствени институции се максимално ангажирани за да се справат со состојбата созадена од поплавите.

  • Се за да се справиме со природната непогода, со организација, координација, достоинство и разбирање на граѓаните - напишал Рама.

Тој предупредува дека „тешки ќе бидат уште 24 часа“ но потоа „се ќе дојде на свое место“, напиша Рама, заблагодарувајќи им се на сите.

И според најавите на метеоролозите состојбата се очекува да се влоши денеска, поради најавите за обилни дождови и силен ветер, посебно во јужниот дел на земјата, додека доцна попладне се очекува намалување на интензитетот на врнежите.

BLOG COMMENTS POWERED BY DISQUS
Пријавете се преку нашата бесплатна е-мејл претплата на услуги за да добивате известувања кога ќе има нови информации.

Најпопуларни вести во категорија Балкан