Марко Ѓорѓевиќ, 33-годишен жител на градот Прокупље во Србија, направил пловило од фрлени пластични шишиња, на кое ужива ова лето, Како што вели тој, целта му била и да ја подигне еколошката свст на локалните жители.
Сите што летово ги посетиле локалните езера, Растовници, Бублици, како и Бованско Езеро, можеле да го видат овој необичен чамец од стари шишиња, кој станал своевидна атракција.
- Како долгогодишен рибар, сум посетил многу реки и езера и сум видел колку луѓето не се грижат за природата. Затоа направив чамец од 220 шишиња и од 20 балони. Сите шишиња што ги искористив во мојот чамец се од минералната вода Хеба - вели Ѓорѓевиќ, додавајќи дека за своето пловило искористил конструкција од стар полски кревет, лепило, и многу волја.
