mksqen

Кај Тепелена ќе се гради првиот енергетски парк на ветерници во Албанија

Кај Тепелена ќе се гради првиот енергетски парк на ветерници во Албанија

Типографија

Албанската Влада даде зелено светло за изградба на првиот енегетски парк на ветерници, кој ќе биде изграден во близина на јужниот град Тепелена.

Станува збор за инвестиција вредна околу 13 милиони евра, на приватна албанска компанија, која пред околу пет години почнала со подготовка на физибилити студија, а која доби и авторизација за поврзување во мрежата на секторот за пренос. Компанијата добила и право на сопственост над земјштето каде ќе ги гради ветернците.

Паркот ќе има шест кули со висина од 80 до 92 метри, дијаметар 100 метри и со инсталирана моќност од 12 мегавати. Инвестицијата треба да заврши во рок од седум месеци од добивањето на дозволата за градба.

Министертството за енергетика и компанијата инвститор во рок од еден месец треба да потпишат договор за реализација на ивестицијата.

Авторизацијата за еолитскиот парк е 25 години, а компанијата е обврзана два отсто од произведената електрична енергија да и ја даде на државата.

Доколку се реализира, ова ќе биде прв случај на производство на обновлива енергија од ветер во Албанија.

BLOG COMMENTS POWERED BY DISQUS
Пријавете се преку нашата бесплатна е-мејл претплата на услуги за да добивате известувања кога ќе има нови информации.

Најпопуларни вести во категорија Балкан